بولودلار
اي گؤيده كي بولودلار ! اي عؤمورلوك سورگونلر !
ماوي بوزقيرلاردا‏، ميرواري زنجيرينه اوخشاييرسيز‏.
سيز چاپاراق گئدركن‏، منيم كيمين سورگونلره اوخشاييرسيز‏.
سئويملي قوزئي‏دن گونئيه ساري گئديرسيز‏.

كيم سيزي ايزله‏يير‏، قيسمت يا بير حؤكم ؟
سيررلي بير حسد‏، دئشيلميش بير آجيق ؟
يا سيزه يوروش ائديبلر ؟
يا يولداشلاريزين آجي بؤهتانلاري ؟

يوخ ! سيزه بارسيز باغلار سيخينتي وئرير‏.
سيزه سئودا و عذاب يابانجي بير شئي‏دير .
اي هميشه‏ليك آزادلار، اي هميشه‏ليك سويوقلار !
سيزين يوردوز يوخدور‏، سيزه سورگونلوك يوخدور‏.
خنجر
سني سئويرم‏، منيم پولاد خنجريم !
منيم پارلاق‏، سويوق يولداشيم !
سني دالغين بير گورجو اينتيقام آرزوسونا دؤيوبدور‏،
سني بير اؤزگور چركس بير قورخونج دؤيوش اوچون ايتي لديب.

سني بير دوز ال منه وئريب‏،
يادگار اوچون‏، آيريليق آنيندا‏،
ايلك باش سندن قان آخماييب‏،
سندن بير درين درددن دوغرولان گؤز ياشي آخدي‏، ميرواري تك‏.

قارا گؤزلر باخاركن منه آخميشدي‏،
بير سيررلي قايغي ايلا دولموشدولار‏،
سن اودون تيترك آلووندا اولان كيمي‏،
آلوولانيرديلار‏، ايشيلداييرديلار‏.

سن بير ديل‏سيز ، سس‏سيز بير سئوداني منه وئردين‏،
بير يوردسوزا بير فايدالي اؤرنك‏،
من دييشيلمرم‏، من روحوملا سرت دورموشام‏، سارسيلمارام‏،
سن نئجه‏، سن نئجه‏، منيم دمير يولداشيم !؟

بالاجا گمي
دنيزين ماوي دومانيندا
بالاجا گمي آغا چالير ! ...
اوزاق يئرلرده نه آختارير او ؟
آنا يوردوندا نه ايتيريب او ؟ ...

دالغالار اويناييرلار ، يئل‏ده اوخويور‏،
دور آغاجي اگريلير‏، چيغيرير ...
آخ ! او سعادت آختارمير
سعادت‏دن ايسه قاچمير !

آياقلاري آلتيندا ماوي ايشيق وار‏،
باشي اوسته گونشين آلتين ساچاقلاري ...
آما او جوشقون بير قيامچي‏دير‏، عصيان آختارير‏،
سانكي عصيان‏دا راحاتليق تاپير‏.

دوستاق
محبسي آچين منه‏،
گوندوز شافاقيندان وئرين منه‏،
قارا گؤز سئوگيليمي‏،
قاراياللي آتيمي‏.
گؤزل گنج سئوگيليمي‏،
هر شئيدن اول دادلي - دادلي اؤپه‏جگم‏،
سونرا آتيمين بئلينه سيچراييب‏،
بوزقيرلاردا يئل كيمي اوچاجاقام‏.

آما محبسين پنجره‏سي چوخ اوجا‏دير‏،
قاپيني قيفيل‏لار آغيرلاديب‏لار‏،
قارا گؤزلوم اوزاقدادير‏،
اؤز طمطراقلي قصرينده‏،
گؤزل آتيم ياشيل چؤل‏لرده‏،
بير باشينا‏، اؤز كؤنلو ايله‏،
چاپير‏، سئوينير و اوينايير‏،
قويروغونو يئل اوينادير‏.

من يالقيزام - سئوينجيم يوخدور :
چيپلاق دووارلار دؤوره لييب‏لر مني‏،
لامپانين جان‏سيز‏، توتقون ايشيقي‏،
سانكي جان اوستونده‏دير‏، اؤله‏جك‏دير‏،
قاپيلارين داليندان يالنيز بير سس گلير‏،
آغير آدديملارلا‏،
گئجه‏نين سكوتوندا‏، جاواب وئرمه‏ين بير قاراوول دولانير‏.

_{گولشدير الده جاميم كئفلي كئفلي}

_{اؤزوم كئفلي ، مراميم كئفلي كئفلي}

_{ييخلمام ساقي تئز تئز تؤك چاخيردان}

_{هلا واردير دواميم كئفلي كئفلي}

_{هميشه كئفلي يم كئفسيز لر ايچره}

_{گئچير هر صوح و شاميم كئفلي كئفلي}

_{اؤره ك وولكان كيمي اوت دوتدي ياندي}

_{آليشدي پيشدي خاميم كئفلي كئفلي}

_{ايچيم ياندي آليشديم دفتر اؤسته}

_{آلولاندي كلاميم كئفل كئفلي}

_{سن هر سمته دئسن من سجده قيللام}

_{منيم سن سن اماميم كئفلي كئفلي}

_{اگر سندن سوواي بير اؤزگه سيندن}

_{خوشوم گئلسه حراميم كئفلي كئفلي}

_{گولوم هر يئرده سن واردير اوزاقدان}

_{سنه چوخ چوخ سلاميم كئفلي كئفلي}

_{بوتون دؤنيادا عشق اولسون محبت}

_{بودور آخير پياميم كئفلي كئفلي}

 _{يار گئدنده}

 _{باخديم داليسيجا يار گئدنده}

_{بير يولدا دئديم باخار گئدنده}

_{باخدي قاپيدان گئچنده گولدو}

_{بيلميردي اؤره ك اومار گئدنده}

_{باغلاندي ديليم اوره كده آمما}

_{آز قالدي چكم هاوار گئدنده}

_{گيئتمه گئديسن؟ياواواش ياواش گئت}

_{جانيم بيليسن چيخار گئدنده}

_{دؤندر گؤزونو، خومار خومار باخ}

_{قويما مني ده ، خومار گئدنده}

_{سن سيز ليگه دؤزمه گيم چتيندي}

_{گل جانيمي آل قوتار گئدنده}

_{سنده سورا عشقي نئيليرم من}

_{آل عشقيني ده آپار گئدنده}

_{مهر ائيله نوازش ائيله بلكه}

_{گول بيتسين اؤره كده قار گئدنده}

_{من گؤر نه دئييرديم اؤزاؤزملن}

_{قول بوينوما بير سالار گئدنده}

_{بيچاره اؤره ك بولود كيمين دير}

_{گؤردوكجه سني دولار گئدنده}

_{داي جعفري بسدي شعر يازماق}